صالون ود الماحي

صديق الماحي كتب: قصة صديقنا في شندي الشاعر خضر سليمان – لصديقه ود الحاج و الذي نظر لفتاة و هو يعمل فدخلت له سريحة في اصبعه فانشده – خدر – هذا المربع :

(ود الحاج) أخوي دايماً كبتو جريحة
جاري وراء الشباب و الموضة و التسريحة
من كترة شقاوتو عيونو مابي يريحا
لامن بين أضافرو اتركبتلو سريحة
**
و أضيف له أنا :
(ود الحاج) أخوي اسمعها مني نصيحة
ما بنخلي ريد زولاً خليقتو مليحة
شبه السارحة بالساحة المخدر سيحا
شغلت فكري بقت أوضاعي ماها صحيحة
***
مشتولة جذور شندي اللذيذ تفيحة
نادية و نامية أرضها خصبة ما مامليحة
أنا كان ما بخاف الشيب إجيب لي فضيحة
بحرس دارا من وكت الطلوع للطيحة
////